R134a birkomponentli agentdir; sürüşməsi yoxdur, davranışı sadədir. Aşağı təzyiqli olduğu üçün (0 °C-də təqribən 2,9 bar) kompressor yüngül yüklənir və −10 °C-dən yuxarı buxarlanma temperaturlarında səmərəlidir: çillerlər, süd və içki soyutması, kondisioner, müsbət temperaturlu vitrinlər. −20 °C-dən aşağıda gücü çox düşdüyü üçün dondurulmuş tətbiqlərdə işlədilmir.
GWP-si 1.430 olduğu üçün Aİ-də yeni avtomobil kondisionerlərində qadağan edilmiş (R1234yf), stasionar sistemlərdə mərhələli azaldılır. Ticari soyutmada "drop-in" alternativi R513A (GWP 631), yeni layihələrdə R1234ze və R290-dır. Mövcud R134a sistemləri işləməyə davam edir; servis qazı tapılır, lakin qiyməti artır.
R134a POE yağla işləyir və rütubətə çox həssasdır; filtr-quruducu və vakuumlama diqqət tələb edir. Təzyiq–temperatur cədvəli üçün agent səhifəmizə baxa bilərsiniz; vahid çevirici ilə bar–psi çevirməsi də aparıla bilər.