Evaporator soyutma dövrünün kameranın içindəki üzüdür. Mis boruların içində aşağı təzyiqli agent buxarlanarkən alüminium qanadların (lamellərin) üzərindən keçən kamera havasının istiliyini alır; fanlar soyuyan havanı kameraya üfürür. Kamerada hiss etdiyiniz soyuq hava və evaporatorun altında toplanan su bu mübadilənin nəticəsidir.
Seçimdə dörd dəyər həlledicidir: güc (kW, müəyyən TD üçün), hava sərfi və atma məsafəsi, lamel addımı və defrost növü. Güc kameranın istilik yükündən, TD məhsulun rütubət istəyindən, lamel addımı kamera temperaturundan (0 °C-dən yuxarı kameralarda 4 mm, dondurulmuş və şok kameralarında 6–10 mm), defrost növü də kamera temperaturundan (0 °C-dən aşağıda elektrikli və ya isti qazlı) müəyyən edilir.
Gövdə formasına görə tavan tipli (kubik, ən geniş yayılmış), iki tərəfli üfürməli (dar və uzun kameralar), divar tipli və sənaye (böyük anbarlar, şok dondurma) evaporatorları var. Mətbəx və kolbasa dükanı kimi kiçik həcmlərdə kompakt modellər, meyvə–tərəvəz anbarlarında böyük səthli, aşağı TD-li modellər işlədilir.
Quraşdırmada evaporator qapının qarşısına deyil, yanına, havanı qapıya doğru üfürəcək şəkildə yerləşdirilir; qabağı boş saxlanır; drenaj borusu mailli çəkilir və dondurulmuş kameralarda qızdırılır. Sonkar evaporatorları öz fabrikində istehsal edir; kataloqumuzda hər model üçün güc cədvəlləri, sərf, atma məsafəsi və ölçülər var.